അന്താരാഷ്ട്ര യോഗാദിനം
🌿 അന്താരാഷ്ട്ര യോഗാദിനം 🌿🌿
🌿ഐക്യരാഷ്ട്ര സഭയുടെ 2014 സെപ്തംബർ 27 ന് നടന്ന യോഗത്തിൽ നമ്മുടെ പ്രധാനമന്ത്രി നരേന്ദ്രമോദിയുടെ അഭ്യർത്ഥന സ്വീകരിച്ചാണ്, സഭ 2015 ജൂൺ 21 മുതൽ ആ ദിവസം അന്താരാഷ്ട്ര യോഗാദിനമായി ആചരിക്കാൻ തീരുമാനിച്ചത്.
🌿ആ തീരുമാനത്തിന് 177 ലോകരാഷ്ട്രങ്ങളുടെ പിന്തുണയുണ്ടായിരുന്നു .
🌿യോഗ ഇന്ന് ലോകത്ത് പ്രചുരപ്രചാരം നേടിയിരിക്കുന്നു.
🌿ഋഷി ഷികളുടെയും മുനികളുടെയും ലോകത്തു നിന്ന് യോഗ ശാസ്ത്രത്തെ സാധാരണക്കാരിലേക്ക് എത്തിച്ചത് പതഞ്ജലി മഹർഷിയാണ്.
🌿 പതഞ്ജലിയുടെ യോഗസൂത്രം എന്ന 196 ശ്ലോകങ്ങൾ അടങ്ങുന്ന വിശിഷ്ഠ ഗ്രന്ഥമാണ് യോഗയെ ഋഷികളിൽ നിന്നും ബ്ര
ഹ്മചാരികളിൽ നിന്നും സാധാരണക്കാരന്റെയും ഗൃഹസ്ഥരുടെയും മദ്ധ്യത്തിലേക്ക് എത്തിച്ചത്.
🌿യോഗ എന്ന വാക്കിന് വളരെ ലളിതമായ ഒരു അർത്ഥം 'ഒത്തു ചേരൽ അല്ലെങ്കിൽ 'താദാത്മ്യം പ്രാപിക്കുക" എന്നതാണ്. മനസും ശരീരവും തമ്മിൽ, ചിന്തയും വാക്കും തമ്മിൽ, വാക്കും പ്രവൃത്തിയും തമ്മിൽ, മനസും ആത്മാവും തമ്മിൽ ഒക്കെയുള്ള ഒന്നിച്ച് ചേരലാണ് യോഗ എന്ന പ്രക്രിയ കൊണ്ട് ഉദ്ദേശിക്കുന്നത്.
🌿യോഗജീവിതശൈലിയുടെ ഭാഗമാക്കി മാറ്റിയാൽ ജീവിതശൈലി രോഗങ്ങളെയും പകർച്ചവ്യാധികളെയും വലിയ ഒരു പരിധിവരെ തടയാം. ഈ തിരിച്ചറിവാകട്ടെ ഈ യോഗദിനത്തിന്റെ മുഖമുദ്ര.
🌿കൊവിഡ് പ്രതിരോധത്തിനും രോഗമുക്തി നേടിയവരുടെ ശ്വസനപ്രശ്നങ്ങൾ പരിഹരിക്കാനും യോഗയിൽ അഭയം തേടുന്നവർ വർദ്ധിക്കുന്നു.
🌿 ശ്വാസകോശത്തെ കൊവിഡ് നേരിട്ടുബാധിക്കുന്നതിനാൽ രോഗമുക്തി നേടിയവർ ശ്വാസകോശത്തെ ശക്തിപ്പെടുത്തേണ്ടത് അത്യാവശ്യമാണെന്ന് അലോപ്പതി വിദഗ്ദ്ധരും നിർദേശിക്കുന്നു.
🌿കൊവിഡ് സൃഷ്ടിച്ച മാനസികാഘാതം കുറയ്ക്കാനും യോഗ ഫലപ്രദമാണ്.
🌿വീട്ടിലിരുന്ന് പരിശീലകർ നിർദേശിക്കുന്ന ആസനങ്ങൾ ചെയ്യുവർ വർദ്ധിച്ചിട്ടുണ്ട്
🌿🌿 യോഗ ചെയ്യുമ്പോൾ ശ്രദ്ധിക്കേണ്ട പ്രധാന കാര്യങ്ങൾ :
🌿യോഗാസനങ്ങൾ ചെയ്യുമ്പോൾ അവശ്യം അറിഞ്ഞിരിക്കേണ്ട പ്രധാനകാര്യം എങ്ങനെ ശ്വാസോച്ഛ്വാസം ചെയ്യണം എന്നുള്ളതാണ്.
🌿സാധാരണയായി ഒന്നര സെക്കൻഡിൽ ശ്വാസം ഉള്ളിലേക്കു വലിക്കുകയും രണ്ടര സെക്കൻഡിൽ ശ്വാസം വിടുകയും ചെയ്യുകയാണ് പതിവ്. 🌿ശ്വാസോച്ഛ്വാസം അല്പസമയം ചെയ്യാതിരിക്കുന്നതോ ദീർഘമായി ശ്വാസോച്ഛ്വാസം ചെയ്യുന്നതോ ഓരോ യോഗാനുഷ്ഠാനത്തിലും അറിഞ്ഞിരിക്കേണ്ടതായിട്ടുണ്ട്.
🌿ഈ രീതി അവലംബിച്ച് യോഗവ്യായാമം ചെയ്താൽ അനവധി രോഗങ്ങളെ നമുക്ക് അകറ്റി നിറുത്താൻ കഴിയും.
🌿🌿 യോഗയും ഭക്ഷണക്രമവും :
🌿യോഗ അഭ്യസിക്കുന്നവർ മിതമായ ഭക്ഷണമാണ് കഴിക്കേണ്ടത്. രാവിലെയോ വൈകുന്നേരമോ യോഗ ചെയ്യാം. കഴിവതും അതിരാവിലെ വെറും വയറ്റിൽ ചെയ്യുന്നതാണ് നല്ലത്.
യോഗ കഴിഞ്ഞ് കുറഞ്ഞത് അര മണിക്കൂറിന് ശേഷം മാത്രമേ ഭക്ഷണം കഴിക്കാവൂ.
🌿 ആഹാരം കഴിച്ചയുടനേയും യോഗ അഭ്യസിക്കാൻ പാടില്ല.
🌿പ്രധാന ഭക്ഷണത്തിന് രണ്ട് മണിക്കൂർ ശേഷവും ലഘു ഭക്ഷണത്തിന് ഒരു മണിക്കൂർ ശേഷവുമാണ് യോഗ ചെയ്യേണ്ടത്.
🌿ധാന്യങ്ങളും പച്ചക്കറികളും ഭക്ഷണത്തിൽ ഉൾപ്പെടുത്താൻ ശ്രമിക്കണം.
🌿അതുപോലെ, കുറഞ്ഞത് ഒന്നര ലിറ്റർ വെള്ളവും കുടിക്കണം.
🌿അധികം കൊഴുപ്പുള്ളതും വറുത്തതും പൊരിച്ചതുമായ ഭക്ഷണം ഒഴിവാക്കുന്നതും നല്ലതാണ്.
🌿🌿ആരോഗ്യം എന്ന വാക്കുകൊണ്ട് ഉദ്ദേശിക്കുന്നത് ശാരീരികമായ ആരോഗ്യം മാത്രമല്ല . മാനസികമായും ആത്മീയമായും ഉന്നത നിലവാരം പുലർത്തുന്ന ഒരാളെ മാത്രമേ പൂർണ ആരോഗ്യവാനാണെന്നു പറയാൻ പാടുള്ളൂ.( W H O definition of health )
So that's all for now
till next topic
With love AnnaNathasha ❤
(Dr.Jayalakshmi.V ,Ayurvedic M.D/Multinational Health writer/Sewanthi Educator
Macureayurvedics@shecareherbs
Annanathasha's She-Care-Herbs)
https://linktr.ee/annanathasha
https://www.facebook.com/jdrjayalakshmivijayanlenin/)
Comments
Post a Comment